هدير محمد
أكدت الفنانة ياسمين عبد العزيز أن الممثل يجب أن يخوض تجارب متنوعة، وألا يقتصر على نوع واحد من الأدوار، مشيرة إلى أن التنوع بين الأكشن والدراما والكوميديا والرومانسي جزء أساسي من مسيرة أي فنان.
وقالت، خلال لقائها ببرنامج ET بالعربي، إن: “الاستسهال أخرته مفيش، ومحدش بيكمل بيه، والجمهور ذكي، مش هيدخل الفيلم غير لما يسمع إنه حلو ولا وحش. لو استسهلت هتلاقي وقتك خلص، لكن لما تنقي وتشتغل وتتعب وتفكر في مواضيع جديدة ده اللي بيكمل. في حاجات كنت بعملها زمان مينفعش تتعمل دلوقتي، حتى الكوميدي اللي بعمله دلوقتي غير اللي كنت بعمله زمان، وقتها كنت بعتمد على جسمي وريأكشناتي، لكن دلوقتي الضحك نفسه اتغير”.
وعن تدريباتها على مشاهد الأكشن في فيلم “خلي بالك من نفسك”، أوضحت أنها تمتلك قدرة كبيرة على حفظ الحركات وتنفيذها سريعًا، قائلة: “الناس مش هتصدق، أنا بحفظ حركات الأكشن في لحظتها وبعملها على طول، حتى لو بعمل إعلان فيه استعراض أو رقص، بحفظ الحركات في وقتها”.
وتدور أحداث فيلم “خلي بالك من نفسك” في إطار يجمع بين الكوميديا والأكشن والتشويق، إذ يجسد أحمد السقا شخصية مختلفة تعتمد على تقديم النصائح العاطفية عبر برنامجه الإذاعي، قبل أن تتشابك حياته مع عدد من المواقف غير المتوقعة التي تقلب الأحداث رأسًا على عقب.
ويشارك في بطولة الفيلم أحمد السقا، وياسمين عبد العزيز، ولبلبة، ومحمد رضوان، ومصطفى أبو سريع، إلى جانب عدد من ضيوف الشرف، وهو من تأليف شريف الليثي، وإخراج معتز التوني.
