هدير محمد
احتفل الفنان تامر حسني بالنجاح الكبير الذي حققه حفله الأخير في الأرينا، والذي شهد حضورًا جماهيريًا ضخمًا وتفاعلًا واسعًا من الجمهور طوال فقراته، كما تصدر الحفل حديث مواقع التواصل الاجتماعي بسبب التجهيزات الضخمة والعروض الاستعراضية التي تضمنها.
ونشر تامر عبر صفحته الشخصية على موقع الصور والفيديوهات القصيرة “إنستجرام”، بعض المشاهد له من الحفل معلقًا “حفلة الأرينا بجد أحلى حفلة في حياتي، ومبسوط إنكم اتبسطوا بيها أوي كده وعملت كل اللي كنتوا بتقولولي عليه غنيت أغاني مش بغنيها و قدمت توزيعات جديدة و لعبت ريمكسات جديدة متسجلة عشان خاطركم من جديد زي ما طلبتوا”.
وأضاف “سهرنا شهر كامل نسجل ونوزع من جديد كإني بعمل ألبوم ورجعت عملت عروض كاملة زي ٢٠٠٧، بس طبعاً بتطور مش طبيعي في المسرح المصري والعربي زي مانتوا شايفين أكيد ده مش شكل مسرح طبيعي، المسرح ده فكرتي وعملته عشان أطور بيه الصناعة مرة تانية من بعد ما أدخلت زمان الفاير وركس بشكل ضخم في كل أنحاء مصر والوطن العربي مع العبقري أحمد عصام و كمان الشاشات العملاقة المتنوعة وطبعاً اشتراك المطرب نفسه في العروض مع الاستعراضيين بنفس كفاءتهم”.
وتابع “النهارده قدمت ديكور مسرحي بتكلفة يمكن تجاوزت ٣ أضعاف تكلفة المسرح الطبيعي المعتاد علشان أقدمهلكم ويكون نقلة نوعية جديدة بقدمها للمرة التانية في سنة ٢٠٢٦ على هيئة ديكور ضخم ومتنوع كل المجهود و التعب اللي عدى في الشهر اللي فات عشانكم نسيته و تحول لفرحة مع أول سقفة منكم ليا”.
