أكدت الفنانة يسرا أنها لم ترفض فكرة الإنجاب، موضحة أنها حملت أكثر من مرة خلال زيجتها الأولى، إلا أن الحمل لم يكتمل، مؤكدة أنها رضيت بقضاء الله ولم تتمسك بأمر لم يكن مقدرًا لها.
وقالت يسرا، خلال لقائها في برنامج “الصورة مع لميس الحديدي”، إنها حملت مرة أو مرتين خلال زواجها الأول، لكن الحمل لم يكتمل، معلقة: “مش هعاند مع ربنا، في حاجات بتاعة ربنا ولازم تقبلي بيها، لأنك لو مرضتيش هتعملي إيه؟ هتغيري حاجة؟ أنتي اللي هتتعبي”.
وأضافت: “سلمت أمري لله، والنهاردة بقول الحمد لله إني مخلفتش، علشان الحياة دلوقتي مش زي الحياة زمان، وظروف دلوقتي مش زي زمان، القهرة بتاعة دلوقتي بقت صعبة أوي”.
وتحدثت يسرا عن الفنانة نجلاء فتحي، وحزنها الشديد بعد وفاة ابنتها ياسمين أبو النجا، مشيرة إلى أنها كانت شاهدة على ولادتها، كما رافقتها خلال أول عملية خضعت لها وهي طفلة.
وقالت يسرا عن ياسمين: “البنت دي مولودة على إيدي، أول عملية ليها كنت معاها ومع نجلاء في مستشفى في الإسكندرية، وقعت مرة واتزحلقت وديناها المستشفى. البنت راضية بكل اللي ربنا كتبهولها”.
وتابعت: “أنا مقهورة قهرة محدش يتصورها، وبفكر في نجلاء طول الوقت وخايفة عليها جدًا، وللأسف مكنتش في مصر عشان أعرف أعزيها، ومش عارفة أروح لها عشان هي رافضة تشوف أي حد، وأنا مقدرة جدًا. ياسمين كانت ملاك مش بشر، يعني قهرة زي دي مكنتش هستحملها”.
وعن زيجتها الأولى وقرار الانفصال، أكدت يسرا اقتناعها التام بهذا القرار، مشيرة إلى أن المرأة يجب أن تعرف متى تتمسك بحقوقها ومتى تقول “لا”.
وأوضحت: “في ستات بتخاف تقول لأ عشان متدفعش التمن، لكن في ستات لازم تبقى عارفة إمتى تقول لأ، ممكن متقولش لأ طول عمرها، لكن تيجي في لحظة لازم تقولها، وده لما حقها يهدر تمامًا”.
وأضافت: “مش كل حاجة تقف عليها الست، في ستات نكدية، لكن في ستات حقانية وفاهمة إمتى تطلب حقها صح، ودول أنا معاهم”.
وعلى جانب آخر، يُعرض للفنانة يسرا حاليًا في دور العرض السينمائية فيلم “الست لما”، الذي تشارك في بطولته إلى جانب ماجد المصري، ياسمين رئيس، درة، عمرو عبدالجليل، انتصار، دنيا سامي، رانيا منصور، محمد جمعة، محمود البزاوي، محمد أنور، وعدد من ضيوف الشرف، والفيلم من إنتاج ندى السبكي ورنا السبكي، وإخراج خالد أبو غريب، وتأليف كيرو أيمن ومصطفى بدوي.
