هدير محمد
علق عمرو محمود ياسين على الجدل المثار حول نهاية مسلسل وننسى اللي كان للفنانة ياسمين عبد العزيز، وما أُثير بشأن تشابهها مع نهاية مسلسل “علي كلاي”، بأن مشهد النهاية كان محددًا منذ البداية ولم يطرأ عليه أي تغيير.
وأشار عمرو إلى أنه اعتاد خلال السنوات الأخيرة على إثارة الجدل حول نهايات أعماله، موضحًا أن الجمهور يتوقع كل عام أن يتم تغيير النهاية في اللحظات الأخيرة، أو أنها لم تكن مكتوبة بهذا الشكل منذ البداية، وهو ما يتكرر مع عرض كل عمل جديد له.
وكتب عمرو ياسين عبر حسابه الشخصي على موقع التواصل الاجتماعي Facebook “هبدة كل سنة يقولك النهاية اتغيرت أولا مافيش مرة بدخل فيها أي عمل وببقى مش محدد النهاية ايه كإطار عام عشان ده أكتر شيء بيسهل رحلة الكتابة لأني عاوز أوصل لنقطة بعينها فعندي هدف.
وأضاف “ثانيا سيكونس مشاهد الـ MMA اللي قبل مشهد النهاية ده معروف ومتحدد من زمان لأن الأمور دي عايزه تجهيز يعني لازم نعمل معاينة نحجز مكان نجهز ديكور إضاءة نحجز مجاميع يتعمل أوردر عمل .. الخ .. الخ .. ولسه كل ده مابتدناش التصوير اللي بياخد يوم كامل على أقل تقدير وأنتوا اكيد شفتوا الكواليتي اللي متقدم في المشاهد دي وده كواليتي ماينفعش يبقى ألو .. صباح الخير ..ماتيجوا نعمل مشاهد ضرب للركب ويلا بينا إيه السذاجة دي بجد؟.
وتابع “التصوير مش موضوع سهل ده معقد جدا و مليء بمئات التفاصيل (وخصوصا لو أكشن) ده غير أن البطولة اللي بيخوضها بدر السباعي واللي أهلته لبطولات أهم كما ظهر في الفوتومونتاج الذي تلى البطولة كانت ضرورية لتأمين نهاية سعيدة لأن مش معقول أن جليلة و بدر يقدروا يعيشوا حياة سوية في ظل وجود فجوة كبيرة بينهم!”
وأوضح “يعني كان ضرورة درامية محددة عندي من البداية بما إني من البداية أيضا مستهدف النهاية السعيدة فالموضوع متفق عليه من بدري جدا ومعروف للجميع حتى الأغنية كانت متحددة ومتفق عليها من بدري (أغنية كله بيقلدك) أنا بستغرب قوي أن بعض الناس بتكلم الكلام ده !! وللأسف بعضهم يفترض فيه أن عنده خبرات بالعملية التصويرية والإنتاجية”.
مسلسل “وننسى اللي كان” بطولة الفنانة ياسمين عبد العزيز، كريم فهمي، منة فضالي، لينا صوفيا، خالد سرحان، شيرين رضا، إنجي كيوان، محمد لطفي، إدوارد، تأليف عمرو محمود ياسين وإخراج محمد حمدي الخبيري.
