لم تمر الهزيمة المذلة التي تلقاها نادي تشيلسي بنتيجة (3-0) أمام برينتفورد أمس الجمعة مرور الكرام، بل فجّرت موجة عارمة من الغضب والتساؤلات بين أوساط الناقدين وصناع المحتوى الرياضي.
وفي هذا السياق، خرج صانع المحتوى الرياضي يوسف عطية في مقطع فيديو حاد حمل نبرة هجومية شديدة تجاه النادي اللندني وإدارته، معتبرًا أن الفريق يواصل نزيف النقاط وتقديم العروض الضعيفة دون أي مبرر منطقي يذكر.
وتطرق عطية في مستهل حديثه إلى حالة التفاؤل الزائفة التي تعيشها جماهير تشيلسي مع بداية كل موسم، مشككًا في قدرة البلوز على حسم أو حتى المنافسة على لقب البريميرليج، حيث قال: “مش هتعدي السنة دي إلا وأكيد تشيلسي بطل الدوري؟ لا، مش هتعدي السنة دي طيب وتشيلسي أصلًا بطل الدوري، طب هو أكيد في سنة هتعدي وتشيلسي حتى ينافس على الدوري؟ أنا قلت السنة اللي فاتت، وارجع لفيديو السنة اللي فاتت، لحد إمتى تشيلسي هيفضل كومبارس؟”.
وواصل صانع المحتوى الرياضي استرجاع مواقفه السابقة مع الجمهور بعد الانتقادات التي طالته في العام الماضي، مؤكدًا أنه لا يزال عند رأيه الفني بأن تشيلسي يفتقد ثقافة نفس الدوري والطويل، موضحًا: “الناس زعلت مني وقالتلي تشيلسي كومبارس؟ طب إحنا لسه هازمينك ثلاثة في الأبطال (برشلونة)، قلتلك يا عم حقك وكل حاجة، ولكن أنت مش بتاع دوري، أنت مابتعرفش تنافس على بطولة دوري.. تشيلسي بالنسبة لي دايمًا هو كومبارس، لحد إمتى؟ أنا عايز أطلع أنا غلطان!”.
وانتقل يوسف عطية للحديث عن الأجواء الإدارية والفنية داخل قلعة “ستامفورد بريدج”، مشيرًا إلى أن التغييرات الإدارية وصولًا للتعاقد مع مدير فني جديد مثل تشابي ألونسو لم تنجح في مداواة جراح الفريق، مستدلًا بتجربة المدرب السابقة، حيث قال: “تود بويلي مشي وجالك مدرب كويس جدًا، هتقولي تشابي؟ والله يا عم لا، تشابي مدرب كويس، أنا بكلمك من قلب الليجا بقى والراجل اللي أنا كنت شايفه إنه مدرب كويس، ولكن أنت عارف اللي حصل في الريال إيه.. يعني إيه اللي يمنعك إنك تنافس؟ مش عارف تكسب برينتفورد؟ مش عارف تكسبها؟”.
وحذر عطية من تبعات هذه الخسارة والمستوى الهزيل أمام الفرق المتوسطة، متسائلًا عن المصير المتوقع للبلوز عندما يصطدمون بكبار القوم في الدوري الإنجليزي الممتاز، قائلًا: “أومال هتعمل إيه قدام الكبار؟ قدام الليفر هتعمل إيه؟ هتقولي اه ما أنا السنة اللي فاتت كسبته؟ يا راجل ده أنت كنت بره خالص مابتلعبش أي بطولة، ولا بتلعب بطولة أوروپية ولا بتلعب أي حاجة، أنت إيه عذرك السنة دي؟ ده أنت معندكش غير الدوري، بتنافس على إيه؟ إمتى تشيلسي هيكون منافس على الدوري؟ أنا عندي سؤال وعايز جواب ليه!”.
واختتم يوسف عطية تصريحاته بالتعجب من العجز الفني الذي يمر به تشيلسي رغم وفرة الإمكانيات والأسماء القوية في كافة الخطوط، مختتمًا حديثه بلهجة استنكار حادة: “إمتى تشيلسي يعني ينصلح حاله؟ أنت عندك كل حاجة، إيه ناقص لك؟ إيه ناقص؟ لاعيبة عندك، حارس عندك وبدل الحارس عندك 2، دفاع مفيش أكثر من كده، وسط ملعب ماشي يا عم وهتجيب في يناير ماشي، هجوم عندك.. يعني أنا نفسي اعرف ناقص إيه في تشيلسي!”.
