واجه الشاعر الغنائي مصطفى حدوتة الانتقادات الموجهة إليه بشأن اتصافه بالغرور، مبينًا فلسفته الخاصة في التعامل مع طبيعته وشخصيته دون التنازل عنها لأجل الآخرين.
وأوضح حدوتة، خلال ظهوره في برنامج “تفاعلكم” مع الإعلامية سارة دندراوي، تمسكه بطبعه الحالي دون تعديل، قائلًا: “أنا مش هغير من نفسي عشان الناس بتقولي اتغير أنا دا طبعي وطريقة كلامي ومرتاح كده ومش هغير نفسي عشان حد يرتاح وأتعب أنا”.
وعن رؤيته للمقصد الحقيقي لكلمة “الغرور”، فسر الشاعر الأمر قائلًا: “مفهوم الغرور بالنسبالي أن شخص يدعي أنه عنده حاجة وهو مش عنده أو فاهم أنه قادر يعمل حاجة وميقدرش يعملها، زي اللي بيقول أنا قادر أسوق عجلة ويقع بيها دا الغرور وقعه”.
وفيما يخص حالة الجدل التي صاحبت إطلاق أغنية “الألوان” ضمن أحدث ألبومات الهضبة عمرو دياب “حبيتك”، أزاح حدوتة الستار عن السر ورائها، مبينًا: “أنا كاتب الأغنية لابنتي عندها 4 سنين كل ما بتلبس حاجة بتاخد رأيي فيها وعشان كده بقول بابا كان فنان “.
وعن انطباعه عند الاستماع لأعمال صناع آخرين وتمنيه نسبة بعضها إليه، أشار بوضوح: “بقول يا ياريتني أنا اللي كتبتها عشان ببقى حاسس إني لو كتبتها كنت طلعت أحلى من اللي مكتوب فيها ودا مش غرور”.
يُذكر أن الشاعر مصطفى حدوتة سجل حضورًا لافتًا في ألبوم “حبيتك” للفنان عمرو دياب عبر كتابة 3 أعمال غنائية هي: “الألوان”، و”12 بالليل”، إضافة إلى أغنية “وأنت جنبي”.
