كشف الفنان محمد الشرنوبي تفاصيل كواليس ابتعاده عن الساحة الغنائية لأربعة أعوام متواصلة، مشيرًا إلى أن هذه الفترة كانت رحلة صعبة لإعادة اكتشاف ذاته وبناء هويته الموسيقية الخاصة، وذلك بالتزامن مع إطلاقه أحدث ألبوماته الغنائية “بعد الليل”.
واستعاد الشرنوبي، خلال استضافته في برنامج “تفاعلكم”، حالة التشتت التي عاشها سابقًا، موضحًا: “كنت حاسس إني ضايع ومش لاقي نفسي ومش عارف ألاقي حاجة تكون مختلفة محدش بيقدمها غيري ودا كان شاغلني ولما نبص على الأساطير اللي في التاريخ كان دايما عندهم هوية وحاجة بتميزهم عن غيرهم ولو حد قلدها هيقولوا دا بيقلد، كنت ضايع في الحتة دي”.
وعن الخطوات العملية التي اتخذها الخروج من هذه الأزمة، أضاف الشرنوبي: “وكل حد بيلاقي هويته لازم يبقى فاهم صناعة المزيكا وإزاي يصنع أغنية، عملت استديو صغير وابتديت أتعلم من الأول خالص إزاي أعمل أغنية، إزاي اطلع ميكس وماستر بطريقة معينة عشان أطلع صوت مختلف عن الموجود في السوق الرحلة ابتدت من 4 سنين قعدت قافل على نفسي وطلعت حوالي 250 تراك وكنت فاتح ورش كتير مع ناس كتير وكنت ببحث عن هويتي دا بكل بساطة اللي حصل في الأربع سنين”.
وحول الملامح الموسيقية التي استقر عليها وتنعكس في مشروعه الجديد، اختتم تصريحاته بالقول: “هويتي الجديدة هي هوية معاصرة بطابع شرقي بثقافة مصرية وعصرية جدا شبه اللي بيحصل في السوق العالمي، دا اللي وصلتله وأظن باين في الألبوم، أنا مزيكتي خفيفة جدًا بس في الآخر بغني وعندي ثقافة مصرية بعتز بيها جدًا’.
